آذربايجان ميللي حركتينده سويلم نظريه سينه باخيش آذربايجان ميللي حركتينده سويلم نظريه سينه باخيش-(یونس زارعیون)
Discours واژه سي فرانسا ديليندن آلينميش بير واژه اولاراق سياسي اتمسفرده فارس ديلينده « گفتمان » معنا سیندا رايج اولونموشدور آنجاق بو اصطيلاحين اگر تاريخي دوشونجه سيني مراجعت اولونسا بونو آنلاماق اولاركي بو كلمه نين ( تخصصي معناسي ) 19- جي قرنين سونونا قدر « يازي پيكره سينده منظم و معين بير موضوعو عرضه ائتمك معناسين ايفاده ائديبدير. بو معنا ماكياولي و دكارت يازيلاريندادا گوزه دییر حال بوكي Discours لاتين ده ( disursus ) گئت و گل معناسيني ايفاده ائدير. »
ايكي يا اوچ دانيشانين آراسيندا دانيشيق كئچمك اوندان الما ق اولور. آذربايجان توركجه سينده ايكي يا اوچ نفر آراسيندا گئدن سوزلره دانيشيق دييلر.
بوردا بير سوال آرايا گلير:
آذربايجانيميزين ملي و دمكراتيك حركتينده بير سوزجوك كي بيزيم سياسي اتمسفرين تمثيل چي سي اولاراق بيزيم ايدئولوژوموزو يوكسلديب يايماق اوچون بير كلمه نه اولا بيلر؟
ساو: آذربايجان توركجه سينده خوش خبر معناسيندادير و ساوه شهرينين آدي بو كوكدن آلينيب. ساوالان داغي دا دئديكلره گوره زرتشتون كوكده ايلهام قايناغي اولان داغ اولاراق، ( ساو + آلان ) خبر آلان داغدير. ساوليق ايسه بير ميدان كي اوردا سوز دانيشيلير معناسيندادير. اما بيزيم ملي حركتده بو سوزجوكلرين هئچ بيري وئرديگيم سوالين جاوابين وئره بيلمز.
بو سوالي جناب دوقتور ايواز طه دان سوروشدوم و اونلارين نظری « سويلم » كلمه سي اولموشدور حال بوكي سويلم كلمه سيده تام معناسين داشييا بيلمير، بونا گوره بو سوالي بيرده جناب دوقتورا ویرديم و اونلار بو كلمه نين قراردادي اولماسيني بيان ائله ديلر.
فارس ديلينده « گفتمان » كلمه سينين دوزلمسينه باخديم، داريوش آشوری كلمه ني قراردادي اولاراق اونرين وئرميشدير.
پس گفتمان يئرينه سويلم و آنا واژه discourse اولا بيلر. سويلم نظريه سينه گوره : « بير ديل كي گل و گیت حالتينده دير.» تعريف اولونور.
بو كلمه نين تعريفي ميخائيل پالخانوف نظرينه گوره « ديل زمان بويو وضعيت ده اوز وئرير. پس نتيجه بوكي هئچ واخت اولا بيلمز معنا توضيحينن آلينا و تعيين اولا.»
معناني دوشونمك اوچون عملي و رئال تمللره طرح اولونماليدير، پس ديل تمل اساسيندا سويلم معناسين وئرير.
بوردا دئمه ليم كي هر سويلم بير سيرا قايدا و قانون و موضولاردان دوزه ليبدير كي خاص موضولاري اوزه گتيريب توضيح وئرير « اوكي گورونور و اوكي اونا گوره دانيشيريق » نتيجه بو اولور كي سوژه يا سويلم عنصرلرينين ايشلنديينين موقعيتين گوسترير. ( هويت و يا او تعريف كي بير ملتچي اوزونو سوسيال دوروموندا فرض ائدير.)
بو وحله ده سويلم اوز سوژه لرين يئتيشديرير و رئال شخص لر و گروپلار اوچون سوسيال موقعيت لرين تعيين ائدير كي او سويلم اساسيندا اوزلرين تانيديريبلار.
سويلم نظريه سينين نه قدر گرچكليگه ياخين اولماقينا گوره و بو كي سويلم بير گرچك مسئله ني توضيح وئرير يا يوخ مقاله نين سونوندا بير نتيجه و تعريف سويلم نن وئريب سونرا ايسه آذربايجانين ملي حركتيندن بير نئچه عونصورون سويلم قايبينده آراشديرماق ايسته يير.
1_ سويلم بير دقيق ابزار كيمي دير كي سوژه نين گرچكلشمه سينين قارشيلاشماسينلا فورم و جهت وئرير
2_ سويلم بير ايدئولوژي اولمادان گرچكلره ياخين اولان بير دوروم صاحيبي اولا بيلمير بونا گوره كي ايدئولوژي گرچك ايتفاقي سوژه نين گوزلرينين سيميب « ايدئا بير گله جك يا اتوپياني سوژه لره سئوينج وئرير.
3_ ديل و ديلچيليك و هابله تاريخ « سويلم » نظريه سينه فورما سايين عنصرلار تانيميب، كئچميش انسانلارين واسيطه سيله يارانيب، اوز وئرن حاديثه لر توسطيله يارانيب، ديل واسيطه سيله بير « آچار سوز » كيمي سويلمين تكليلن تشكيل ائديب و اونا جهت وئرير كي اونون نتيجه سيني تاريخي آراشديرمالار و ديلچيليكلده اساس واژه لر و كلمه لرين دوزلينيب و سويلم اتمسفرينه وارد اولماسين سبب اولور.
سون سوز
آذربايجان ميللي و دموكراتيك حركتينده ديل و ديلچيليكين يوخاري سويه ده ميللتچي لر طرفيندن حورمت وریلمه سی و ديل پروبلمي اونلارين باش ايستكي اولاراق، ديل ميللي سويلمينده اساس اولموشدور و بو مساله بوگونكي آذربايجاندا « اصالت، هويت و تاريخ » دوشونجه سيني داشيير، هابله تاريخ، اكونومي، سوسيال و كولتور اساسلاريدا بو سويلم چرچيوه سينده يئرله شيب، آذربايجان ميللي حركت « سويلمينه » جهت وئرير. ميللي فعاللار ديل، تاريخ، اكونومي، سوسيال و كولتور باخيميندان هر بير دوشونجه يه اوزل بير تعريف ارائه وئريب و بو تعريف دوشونجه اساسيندا اوز قانوني، طبيعي و انسانليق حقلرين قوروماق ايستيبدير. ديل مساله سي بوگون سويلم نظريه سينده يوخاري بير دوروما صاحيب اولاراق وفعالارین نظرينه گوره ديل سويلمي اساسي تعريف اولوب وبوگونكي آذربايجانین سياسي دوشونجه سينده يوخاري بير رول اويناميشدير، آذربايجان توركجه سينين گوجلو اولدوغونا گوره سويلم نظريه سينده داها گوجلو توتوشوب گوجلو گئدير. بو سويلم اوزون بير قانوني و مدني شكيل ده تعريف ائتميشدير، بونا گوره ده ميللي حركت سويلمي بو گونكي سياسي سويلم لرده اوزون گوستريب، تعريف ائديب و بير گوزه گلميش بير يئرده اوزون تثبيت ائديبدير. آذربايجان سويلمينين عونصورليرينين دونيادا اوزونه تضمين وئريب و پست مدرن دونياسيندا سوزدانيشماقا چوخلو ايمكانلار و سوژه لره ماليك اولماقدادير. آذربايجان سويلمي بيزي داها قانوني و دموكراتيك لشمه سينه دعوت ائدير.
ياشاسين