تار تار
یازان : لاچین هادی
تار ميزرابلا چالينان سيملي پئشهكار آلتدير. اونو10 اينجي عصرده توركوستان ترك لريندن اولان تارخانين اوغلو جرجو شهرينين فراب كندينده ايجاد ائديب.
تارين ايلكين فورماسي 5 سيملي، ساده اولوب. صاديقجان (1875-1870) اينجي ايللرده تار اوزرينده بير سيرا اوغورلو ایصلاحات لار آپاريب، اونا داها 6 سيم علاوه ائديب. تارين آدينا قطرآن تبريزي (11 اينجي عصر) كيمي كلاسيك لرين شعرلرينده راست گلريك.
تار فارس جا تل، سيم دئمكدير. بعضي منبع لره گؤره تار قديمده وترده دئييبلر. وتر ايسه دايرهنين هرهانسي 2 نقطه سيني بيرلشديرن دوزخطّه دئيلير.
معاصر تارلار دؤرد نوع دا حاضيرلانير. 1- سولو ايفا اوچون بؤيوك تار 2- اركستر تاري 3- كيچيك اؤیرنجي تاري 4- جوره تار (اوشاقلار اوچون)
آذربايجان خالق چالتي آلتلري اركسترنين تركيبينده هابئله تارين باس نوعي ده سسلنير.
تارين آغاجدان اولان حيصّه لري بيربيرنه بند اولموش چاناقدان، اونون ايچريسينده يئرلشديريلميش ايچ قؤلدان، كؤپدن، قولدان و آشقيلاري اولان كلهدن (اتاق) عيبارتدير.
كيچيك اؤلچولو تارلاري بعضي بوتوو آغاج پارچاسيندان حاضيرلايبديلار.
چاناغي 15-10 ايل ليك گون گؤرن، يئرده بيتن، دويون سوز، قيش واختي كسيلميش توت آغاجيندان حاضيرلاماق مصلحت گؤرولور.
اتاق و قؤلون حاضيرلانماسي اوچون محكم اولان قوز آغاجينين اؤز كنيندن ايستفاده ائديلير و تارين قولا بيربيريندن معيّن مسافهلرده انينه 22 پرده باغلانير. پردهلرين سايسي آذربايجان موسيقي نه خاص اولان سس يوكسك ليينه اويغون گلير. اونلار آلتر اينجه سسلنمه وئرن قويونون آجي باغيرساغيندان حاضيرلانير.
تارين اكثر پردهلرينين آدلاري موغام و يا اونون شعبه لرينين ادلاريندان گؤتورلموشدور. 11 متال سيمي واردير. اونلار رنگ لرينه گؤره آغ، ساري و قيرميزي سيملر آدلانير. عصيرلر بويو آذربايجاندا تار حاضرلايان مشهور استادلار يئتيشميشدير.
اونلارين حاضیرلاديقلاري آلتلر دفعهلرله، فرانسا، هلنديا، تركيه، و هيندوستاندا نومايش ائتدريلميش دير. بو آلت لرين بير حيصه سي حال حاضيرده ديزردن و لوورا موزئيين ده ساخلانيلير.
قايناقلار:
1-آذربايجان خالق چالغي آلتلري (سعادت عبدالله اوا)
2- چالغي آلت لريميز (عباس قولو نجفزاده)
قایناق : آرمان ۲ هفته لیگی